Mnohija ŭ Viciebsku i za jaho miežami viedajuć kamandu vuličnych mastakoŭ #YouFeelMySkill. Chłopcy paśpieli zrabić krychu lepšym i ŭpryhožyć ŭžo nie adzin budynak i navat nie adzin horad, piša vitebsk.biz.
Siońnia chłopcy zafarbavali hrafici Nejta Doha (Maskoŭski, 7). «Narešcie vyjšli raźmiacca i abnavić staruju ścienačku», — tak jany prakamientavali pačatak pracy.
Usiaho paru hadzin syšła ŭ chłopcaŭ, kab zafarbavać partret repiera i prystupić da vykanańnia partreta adnaho z najvialikšych biełaruskich piśmieńnikaŭ 20-ha stahodździa — Vasila Bykava.
Sami chłopcy nie biez uśmieški ŭspomnili, što try hady tamu ŭ Minsku ŭ ich byli roznahałośsi ź milicyjaj z-za taho, što jany napisali partret Bykava na adnoj z transfarmatarnych budak stalicy.
— Pahladzim, što budzie ŭ Viciebsku, — skazali jany.
Na dumku mastakoŭ, Vasil Bykaŭ jak nichto zasłuhoŭvaje svajho partreta za jaho tvory, praŭdu i ŭsio toje, što jon zrabiŭ dla Biełarusi i prynios u litaraturu.
— Praz paru dzion hrafici budzie kančatkova hatovaje, — zapeŭnili mastaki. — Vobraz užo stvorany, zastałasia dapracoŭka i detali. Cytata taksama budzie, a voś jakaja — pakul sakret.
