Ruiny ispanskaha horada Mansilja-de-ła-Śjera ŭ pravincyi Ryjocha, zatoplenaha amal 60 hadoŭ tamu, pakazalisia z-pad vady ŭ vyniku praciahłaj zasuchi, piša The Daily Mail.
Reuters
Horad Mansilja-de-ła-Śjera za 270 km na poŭnač ad Madryda pryjšłosia zatapić u 1959 hodzie, kab vyzvalić miesca dla pašyreńnia vadaschovišča. Usich žycharoŭ nasielenaha punkta pierasialili ŭ pabudavanuju pobač novuju adnajmiennuju viosku.
Z tych časoŭ bolšuju častku hoda horad zastajecca pad vadoj, i ruiny znoŭ źjaŭlajucca na pavierchni tolki ŭ vyniku mocnaj zasuchi. Uzrovień vady apuskajecca dastatkova, kab dazvolić cikaŭnym «daśledčykam» i turystam prahulacca pa byłym horadzie i vyvučyć toje, što ad jaho zastałosia.
Naviedvalniki mohuć prajścisia pa piešachodnych darožkach i panazirać za krochkimi budynkami, zakamianiełymi drevami i zrujnavanymi mastami. Usio heta razam stvaraje zachaplalny i adnačasova žudasny piejzaž.
