Usia sprava ŭ tym, što lidarka i idejnaja natchnialnica kalektyvu pierajazdžaje na stałaje miesca žycharstva ŭ Izrail. Nieabchodnymi dakumientami siamja Chitryk pačała zajmacca jašče ŭ 2015 hodzie.
«Usio heta składana i dosyć niečakana. Kožnaja mama na maim miescy zrabiła b toje, što my robim. U mianie pytajuć: «Čym ty budzieš tam zajmacca?». Ja nie dumaju pra heta! Hałoŭnaje — što tam buduć rabić dla majho dziciaci! Pieśni — maja duša… Dušy pazbavicca niemahčyma! Heta jašče nie kaniec historyi! Napieradzie novyja roli», — prakamientavała ich pierajezd Hanna.
Hanna z synam Ściapanam.
Vidavočna, što robicca heta, u pieršuju čarhu, dziela syna. Prychilnikam tvorčaści žančyny viadoma, što jana haduje syna Ściapana z aŭtyzmam. Mienavita ŭ Izraili na śpiecyjalnych kursach im dapamahli navučycca žyć z hetym dyjahnazam, a sama Hanna paśla aktyŭna pracavała ŭ «Centry dapamohi aŭtyčnym dzieciam».
2 kastryčnika — u dzień naradžeńnia hurta «Sounduk» — u Kupałaŭskim teatry adbudziecca raźvitalny kancert.