Vice-premjer Rasii Arkadź Dvarkovič zajaviŭ, što Rasija sioleta pastavić Biełarusi 24 miljony ton nafty zhodna z bałansam, pieradaje RIA «Naviny».
«U nas u bałansie 24 miljony ton, pra schiemu nie skažu. A jak hetyja 24 młn raźmiarkoŭvajucca pamiž zavodami i inšymi kirunkami — heta pytańnie biełaruskaha boku», — adznačyŭ jon.
Pa słovach Dvarkoviča, nievialikija adchileńni zaŭsiody mohuć być, ale jany «nie buduć istotnymi».
U krasaviku Maskva i Minsk padpisali dakumienty, jakija ŭrehulavali roznahałośsi ŭ naftahazavaj śfiery. Baki ŭ tym liku damovilisia ab adnaŭleńni pastavak nafty z Rasii da ŭzroŭniu ŭ 24 młn ton u hod.
U žniŭni namieśnik ministra enierhietyki Rasii Anatol Janoŭski zajaŭlaŭ, što pastaŭki rasiejskaj nafty ŭ Biełaruś u biahučym hodzie mohuć skłaści i mienš za 24 młn ton, usio zaležyć ad Minska i jaho patrebaŭ.
