Praviadzieńnie ŭ Biełarusi Jeŭrapiejskich hulniaŭ pavinna jašče bolš kansalidavać nacyju.
Pra heta kiraŭnik Biełarusi, prezident NAK Alaksandr Łukašenka zajaviŭ siońnia na pašyranym pasiadžeńni Vykankama NAK pa pytańni praviadzieńnia II Jeŭrapiejskich hulniaŭ u 2019 hodzie, piša BiełTA.
«Urad mianie rehularna infarmuje, što praca viadziecca i my ruchajemsia ŭ pravilnym kirunku. Ale mianie naściarožvaje šerah pytańniaŭ, i pierš za ŭsio asnoŭnaje — kraina Hulniami jašče nie žyvie. Pakidaje žadać lepšaha aśviatleńnie chodu padrychtoŭki Jeŭrapiejskich hulniaŭ. Chaciełasia b pačuć, što robicca ŭ hetym kirunku, kali našy hramadzianie pačnuć atrymlivać infarmacyju pra toje, jak idzie praca. Bo Jeŭrapiejskija hulni — važnaja padzieja, jakaja pavinna nadać mahutny ideałahičny impuls našamu hramadstvu, jašče bolš kansalidavać nacyju», — padkreśliŭ Łukašenka.
«Užo šmat hadoŭ u Biełarusi stvarajecca sučasnaja infrastruktura, i nie tolki spartyŭnaja. Da nas z zadavalnieńniem pryjazdžajuć hości z usich kutkoŭ śvietu. Vialikaje značeńnie pry hetym maje jakaja jość u našaj krainie atmaśfiera stabilnaści, talerantnaści i, samaje hałoŭnaje, biaśpieki. Usio heta taksama było ŭličana», — dadaŭ kiraŭnik dziaržavy.
