Fota Siarhieja Sierabro, Narodnyja naviny Viciebska
Pamior eks-dyrektar samaha viadomaha biełaruskaha fiestyvalu «Słavianski bazar» Radzivon Bas. 21 hod z momantu naradžeńnia fiestyvalu jon byŭ jaho niaźmiennym dyrektaram, pry im fiestyval staŭ maštabnaj kulturnaj padziejaj u žyćci krainy i rehijonu.
Pra jaho śmierć paviedamiła ŭ svaim akaŭncie ŭ Facebook Hanna Bond.
U 2013 hodzie jon byŭ vymušany pakinuć «Słavianski bazar» z-za chvaroby. ŚMI paviedamlali, što z-za chvaroby Radzivonu Basu amputavali abiedźvie nahi. Jamu było 64 hady.
Radzivon Bas — zasłužany dziejač kultury Biełarusi, hanarovy hramadzianin Viciebska, muzykant.
U 1991 Bas staŭ inicyjataram arhanizacyi i praviadzieńnia ŭ Viciebsku ŭ Letnim amfiteatry muzyčnaha festu «Słavianski bazar», z 1992 hoda jon byŭ dyrektaram Mižnarodnaha fiestyvalu mastactvaŭ «Słavianski bazar u Viciebsku».