Biust Simona Balivara pačali ŭstaloŭvać 13 vieraśnia ŭ staličnym skviery, nazvanym u jaho honar, pieradaje karespandent ahienctva «Minsk-Naviny».
Skvier raźmieščany ŭ miežach vulic Pieršamajskaj, Zacharava i Čapajeva. U honar Simona Balivara jon staŭ nazyvacca ŭ 2008 hodzie, tady ž tam byŭ ustalavany kamień ź imiannoj tabličkaj. Łahičny praciah ušanavańnia pamiaci najvialikšaha dziaržaŭnaha dziejača Łacinskaja Amieryki stała ŭstalavańnie pomnika jamu.
Biust Simona Balivara vykanany ŭ bronzie i budzie ŭstalavany na hranitnym pastamiencie. Ahulnaja vyšynia pomnika składzie 2 m 78 sm. Jon raźmieścicca ŭ centralnaj častcy skviera. Zaviaršyć jaho ŭstanoŭku płanujecca ŭ kancy vieraśnia.
Simon Balivar — najbolš upłyvovy i viadomy ź lidaraŭ baraćby za niezaležnaść ispanskich kałonij u Amierycy. Vyzvaliŭ ad ispanskaha panavańnia Vieniesuełu, Kałumbiju, Panamu i Ekvador. U 1819—1830 hh. byŭ prezidentam Vialikaj Kałumbii, stvoranaj na terytoryi hetych krain. U 1824-m vyzvaliŭ Pieru i staŭ na čale ŭtvoranaj na terytoryi Vierchniaha Pieru Respubliki Balivija, nazvanaj u jaho honar.
