U čaćvier sud Kastryčnickaha rajona Minska abviaściŭ apošni prysud byłym supracoŭnikam Ašmianskaj mytni. 13 fihurantaŭ hučnaj spravy pryznanyja vinavatymi ŭ atrymańni chabaru ŭ asabliva bujnym pamiery i pryhavorany da pazbaŭleńnia voli ŭ kałonii va ŭmovach ŭzmocnienaha režymu.
Stelmach Alaksiej i Nachodka Alaksandr, Paŭłovič Alaksandr - 5 hadoŭ. Kuźmič Ihar, Asipovič Alaksandr, Nazaraŭ Alaksandr, Paškievič Česłaŭ, Maroz Rusłan, Kłyha Dźmitryj, Charevič Siarhiej, Zarecki Dźmitryj, Karpovič Mikałaj - pa 6 hadoŭ; Turlic Michaił - 7 hadoŭ.
U asudžanych budzie kanfiskavana majomaść: dačny domik, 2 ziamielnyja ŭčastki, haraž, 2 strelby i 3 patrony, aŭtamabil Seat i nievialikija hrašovyja sumy.
Nahadajem, viasnoj 2015 hoda byli zatrymanyja 58 supracoŭnikaŭ prapusknoha punkta Kamienny Łoh. Ich abvinavacili ŭ atrymańni chabaraŭ na sumu ŭ 876 tysiač dalaraŭ i 19 tysiač jeŭra. Ad listapada išli sudy, sa žniŭnia vynosili prysudy.
