7 vieraśnia ŭ kaściole Naradžeńnia Najśviaciejšaj Panny Maryi ŭ Zasłaŭli adbyłasia ŭračystaja imša, jakuju ŭznačaliŭ Mitrapalit Minska-Mahiloŭski arcybiskup Tadevuš Kandrusievič.
Heta pieršaja takaja słužba za apošnija 150 hadoŭ.
Zasłaŭski kaścioł pabudavany ŭ 1774 hodzie. Paśla paŭstańnia Kalinoŭskaha kaścioł byŭ adabrany ŭ katalikoŭ i pieratvorany ŭ pravasłaŭnuju carkvu. Za savieckim časam i pa vajnie śviatynia była razburanaja.
Apošnija 10 hadoŭ słužby prachodzili ŭ kaściolnaj krypcie.
Za minuły hod kaścioł, dziakujučy vysiłkam ksiandza i parafijanaŭ, byŭ adramantavany i pafarbavany znutry, adnoŭleny ałtar. Na sklapieńniach zachavałasia staraja lepka.
Adnaŭleńnie chramu vitali j pravasłaŭnyja śviatary, jakija prysutničali na ŭračystaści.
Ź biełaruskich palitykaŭ na śviacie byŭ Alaksandar Milinkievič ź Inaj Kulej.
0
0
0
0
0
0
