Złučanyja Štaty nie buduć vychodzić z Paryžskaha pahadnieńnia pa klimacie, a buduć damahacca źmieny ŭmoŭ svajho ŭdziełu ŭ im. Pra heta piša The Wall Street Journal sa spasyłkaj adrazu na niekalki krynic, znajomych z vynikami narady ŭ Manreali, pryśviečanaj Paryžskamu pahadnieńniu pa klimacie.
Pa słovach surazmoŭcaŭ vydańnia, pradstaŭniki ŭładaŭ ZŠA pad kiraŭnictvam staršaha daradcy Biełaha doma Eviereta Ejsienstata ŭźniali pytańnie pierahladu ŭmoŭ udziełu ZŠA ŭ hetym pahadnieńni, sihnalizujučy takim čynam pra toje, što Vašynhton hatovy zastacca ŭ im.
«ZŠA zajavili, što nie buduć pierapadpisvać Paryžskaje pahadnieńnie, ale pasprabujuć pierahledzieć umovy, na jakich jany mohuć udzielničać u dadzienaj damovie», — padaje vydańnie słovy jeŭrakamisara pa enierhietycy i pytańniach klimatu Mihiela Aryjasa Kańjete.
Bieły dom u svaju čarhu zajaviŭ, što pazicyja ZŠA pa Paryžskim pahadnieńni nie źmianiłasia. U toj ža čas tam padkreślili, što adnaznačnaha rašeńnia adnosna vychadu z hetaha pahadnieńnia prezidentam da hetaha času pryniata nie było.
«Niama źmianieńniaŭ u pazicyi ZŠA adnosna Paryžskaha pahadnieńnia», — skazaŭ namieśnik pres-sakratara Biełaha doma Lindsej Uołters. Jon nahadaŭ, što raniej «prezident vyrazna daŭ zrazumieć, što ZŠA vyjduć z pahadnieńnia, kali nie zmohuć damahčysia bolš vyhadnych dla krainy umovaŭ».
5 žniŭnia Dziarždep nakiravaŭ u AAN aficyjnaje apaviaščeńnie ab tym, što ZŠA płanujuć vyjści z Paryžskaha pahadnieńnia pa klimacie. Tady ž amierykanskaje zamiežnapalityčnaje viedamstva zajaviła, što prezident ZŠA hatovy abmiarkoŭvać źmieny ŭ pahadnieńni, kab jano stała bolš «zručnym dla Amieryki, dla jaje biźniesu, jaje rabočych, ludziej i padatkapłatnikaŭ».
Paryžskaje pahadnieńnie pa klimacie było padpisana ŭ 2015 hodzie. Dakumient padpisali 196 krain. Zhodna ź im, dziaržavy pavinny vyłučyć $ 100 młrd krainam, jakija raźvivajucca na rašeńnie prablem z klimatam.
