Rezanansnuju kryminalnuju spravu ab zamachu na zabojstva nastaŭnicy himnazii №74 Viarchoŭny sud razhledzić 19 vieraśnia, a praces budzie iści za začynienymi dźviaryma, paviedamili Sputnik u paniadziełak u Viarchoŭnym sudzie.
Minski haradski sud 7 krasavika 2017 hoda abviaściŭ prysud pa kryminalnaj spravie ŭ dačynieńni Danata Skakuna, navučenca minskaj himnazii №74. Za napad na nastaŭnicu jon byŭ pryhavorany da vaśmi hadoŭ pazbaŭleńnia voli z adbyvańniem pakarańnia ŭ vychavaŭčaj kałonii.
Na padstavie artykuła 23 Kryminalna-pracesualnaha kodeksa Biełarusi sudovaje raźbiralnictva pa hetaj kryminalnaj spravie projdzie ŭ zakrytym sudovym pasiadžeńni — abvinavačany nie dasiahnuŭ 16-hadovaha ŭzrostu. Jak raniej paviedamlała ahienctva, sudovy praces u Minskim haradzkim sudzie taksama prajšoŭ za začynienymi dźviaryma.
