Pradstaŭnik prarasijskaj arhanizacyi «Nacionalno-osvoboditielnoje dvižienije» (NOD) Raman Rabcaŭ paviedamiŭ Radyjo Svaboda, što Minskaja jeparchija Biełaruskaj pravasłaŭnaj carkvy nie dazvoliła ŭdzielnikam aŭtaprabiehu pravieści malebien u adnoj z cerkvaŭ u Biełarusi.
Aŭtakałona aktyvistaŭ prarasijskaj arhanizacyi NOD prajechała ŭviečary 18 vieraśnia praz centr Minska. Na mašynach byli vyjavy Pucina i Baharodzicy, nadpis «Chresny chod. Dziaržaŭny pakroŭ» i «hieorhijeŭskimi» stužkami.
«Ja nie zusim razumieju, čamu, bo my dva braterskija narody, viera pravasłaŭnaja adna, i mahli b pravieści malebien, ničoha b nie adbyłosia. Ale vyrašyli tak u Minskaj jeparchii, značyć tak», — skazaŭ pradstaŭnik NOD Raman Rabcaŭ.
Staršynia Sinadalnaha infarmacyjnaha adździeła Biełaruskaj pravasłaŭnaj carkvy protaijerej Siarhiej Lepin skazaŭ, što «nichto dazvołu na hetaje mierapryjemstva nie davaŭ».
«Ja ŭžo kazaŭ raniej, što my paźbiahajem tych, chto nie pryznaje samastojnaść našaj dziaržavy, chto zajmajecca takoj nieadnaznačnaj palityčnaj dziejnaściu», — adznačyŭ jon.
Ci mieli arhanizatary dazvoł minskich uładaŭ na praviadzieńnie aŭtaprabiehu ŭ Minharvykanamie i minskaj milicyi nijak nie prakamientavali akcyju.
