Biełaruskaja Muzyčnaja Alternatyva (BMAgroup) apracavała zajaŭki ad hurtoŭ što dasłali svaje zapisy dla ŭdziełu ŭ Rok-škole.
Było dasłana 52 zajaŭki ad maładych hurtoŭ praktyčna z usioj Biełarusi.
Havoryć Vital Supranovič: «Aktyŭnaści hurtoŭ my byli vielmi ździŭlenyja. Niahledziačy na miortvy sezon zboru zajavak kamandy davoli aktyŭna dasyłali svaje zapisy. Ale razam z tym vyśvietliłasia, što mnohija paprostu nia viedali pra zbor zajavak, u šmat kaho prablemy kab zrabić prosta dema-zapis. Tamu my vyrašyli praciahnuć termin zboru zapisaŭ da 25 vieraśnia».
Svaju zhodu da supracoŭnictva z Rok-škołaj užo dali Pit Paŭłaŭ, Alaksandr Pamidoraŭ, Viačasłaŭ Korań, Aleś Tabolič (Znich), Źmicier Łukašuk (tekstavik «Kramy») i inšyja.
«Była vielmi vialikaja ŭvaha dziaržaŭnych ŚMI da našaj abviestki pra Rok-škołu, što vielmi paradavała. Napeŭna mnohija sapraŭdy čakajuć novych imionaŭ na našaj rok-scenie», – adznačaje Vital Supranovič.
Adnosna taho čym ža buduć zajmacca muzyki u Rok-škole, pra heta dakładna pakul nie viadoma. Arhanizatary miarkujuć da kanca raspracavać prahramu ŭžo razam z adabranymi muzykami (uličvajučy ich pažadańni) i samimi nastaŭnikami.
Dla taho kab padać zajaŭku treba pradastavić zapis i karotkuju historyju hurtu.
Kantakt:
6490888
email: [email protected]
