Pra heta paviedamlaje HUUS Minharvykankama.
U milicyju źviarnuŭsia minčuk. Jon raspavioŭ, što ź jaho rachunku było zroblena niekalki śpisańniaŭ hrašovych srodkaŭ, jakija jon nie rabiŭ.
Mužčyna rastłumačyŭ, što niadaŭna zabyŭsia svaju kartačku na pryłaŭku adnaho z handlovych centraŭ, adnak nieŭzabavie kartku jamu viarnuŭ adzin z naviedvalnikaŭ kramy.
U chodzie apieratyŭna-vyšukovych mierapryjemstvaŭ apieratyŭniki vyśvietlili asobu maładoha čałavieka, jaki skarystaŭsia rekvizitami karty dla apłaty pasłuh Uber. Zatrymany nieadnarazova rabiŭ apłaty, pryčyniŭšy paciarpiełamu ŭron na 100 rubloŭ.
U ciapierašni čas u dačynieńni da fihuranta Savieckim (h.Minska) RASK zaviedziena kryminalnaja sprava pa č.2 st.212 ( «Kradziež šlacham vykarystańnia kampjutarnaj techniki»). Sankcyja praduhledžvaje adkaznaść u vyhladzie pazbaŭleńnia voli na termin da piaci hadoŭ.
Taksama ŭstanoŭlena, što heta nie adzinkavy vypadak apłaty pasłuh servisu padobnym čynam.
