Reuters.com
Zajavy prezidenta ZŠA Donalda Trampa ab tym, što Štaty mohuć «całkam źniščyć» Paŭnočnuju Kareju źjaŭlajucca «składanym abvastreńniem varjackaha machlara», jaki «ciapier ździŭlaje ŭvieś śviet».
Tak słovy amierykanskaha lidara interpretavaŭ paŭnočnakarejski kiraŭnik Kim Čen Yn, tekst jaho zajavy pryvodzić ahienctva CTAK.
«U svajoj pramovie Tramp, - jak nahadaŭ Kim Čen Yn, - paviedamiŭ ab mahčymym źniščeńni 25 miljonaŭ nasielnictva našaj respubliki». Zaraz heta ździŭlaje ŭvieś śviet, adznačyŭ kiraŭnik KNDR.
«Spałochany sabaka breša ŭsio bolš i bolš», - paviedamiŭ na heta Kim Čen Yn, paraiŭšy amierykanskamu lidaru pierad vystupam na «suśvietnuju aŭdytoryju» «staranna vybirać adpaviednyja vyrazy».
«Pakolki Tramp admoviŭsia ad miru i abraziŭ našu respubliku, [takim čynam] było zroblena samaje aburalnaje abviaščeńnie vajny», - zajaviŭ Kim Čen Yn. «My budziem surjozna razhladać adpaviednyja zvyšćviordyja miery ŭ adkaz», - dadaŭ jon
