Hrupa vymahalnikaŭ Phantom Squad pahražaje masavaj DDoS-atakaj tysiačam kampanij, jakija nie paśpiejuć adkupicca ŭ nazvany termin. Pra heta paviedamlaje lenta.ru sa spasyłkaj na Bleeping Computer.
Elektronnyja listy z patrabavańniami vykupu znajšoŭ śpiecyjalist pa kibierbiaśpiecy Deryk Farmier. Rassyłka ŭtrymlivaje prosty tekst z patrabavańniem zapłacić aŭtaram 0,2 bitkoina (kala 720 dalaraŭ) abo padrychtavacca da taho, što ich sajt sydzie ŭ afłajn 30 vieraśnia.
Adznačajecca, što chakiery litaralna zavalili skryni kampanij spamam z patrabavańniem nievialikaj sumy. Śpiecyjalisty dapuskajuć, što hrupa Phantom Squad nie vałodaje dastatkovaj mocaj dla adnačasovaha zapusku DDoS-napadaŭ, raźličanych na takuju kolkaść metaŭ. Na dumku ekśpiertaŭ, ašukancy zapałochvajuć najbujniejšyja karparacyi.
Daśledčyk kampanii Radware Daniel Śmit adznačyŭ, što tekst zajavy byŭ amal identyčny tamu, što vykarystoŭvałasia ŭ červieni 2017 hoda hrupaj vymahalnikaŭ, jakija nazvalisia imiem viadomaj chakierskaj hrupoŭkaj Armada Collective. Tady łže-chakiery abmiežavalisia pustymi pahrozami, ale ŭsio ž atrymali vykup ad niekatorych kampanij. Styl Phantom Squad ž bolš za ŭsio nahadvaje machlaroŭ-pierajmalnikaŭ.
