Narod kurdaŭ pravioŭ 25 vieraśnia na poŭnačy Iraka referendum ab niezaležnaści, pieradaje Radyjo Svaboda sa spasyłkaj na Reuters.
Na referendumie nie pytalisia, ci treba stvarać niezaležny Kurdystan prosta ciapier, ale pytali, ci kurdy za svaju niezaležnuju dziaržavu ŭ pryncypie.
Pavodle pieršych papiarednich vynikaŭ, što pryvodzić kurdskaje vydańnie Rudaw, bolš jak 93% z padličanych 282 tysiač hałasoŭ — za niezaležnaść. Kančatkovyja vyniki abiacajuć dać ciaham 72 hadzinaŭ pa zaviaršeńni hałasavańnia. Jaŭka była davoli vysokaj, kala 78%, abo kala 4 młn čałaviek. Referendum nie pravodziŭsia na nasielenych kurdami ziemlach Turcyi, Irana i Siryi.
Suprać referendumu vystupali aficyjny Bahdad (jaki vykazvaŭsia za terytaryjalnaje adzinstva Iraka i nazvaŭ referendum niezakonnym) i astatnija dziaržavy sa značnaj dolaj kurdskaha nasielnictva, AAN, ZŠA i šerah zachodnich dziaržavaŭ (bo referendum moža paškodzić zmahańniu z terarystami «Isłamskaj dziaržavy»).
