Mikałaj Statkievič asudžany jašče na 5 sutak aryštu za ŭdzieł u niesankcyjanavanaj akcyi 8 vieraśnia na Kastryčnickaj płoščy Minska, paviedamlaje spring96.org.
Takoje rašeńnie 26 vieraśnia pryniaŭ sud Leninskaha rajona. Heta značyć, što da 15 sutak za akcyju 3 lipienia, jakija zaraz adbyvaje apazicyjny palityk, dadajucca jašče piać.
Padčas samoj akcyi nichto ź jaje ŭdzielnikaŭ zatrymany nie byŭ. Adnak za ŭdzieł u joj paźniej byli asudžanyja apazicyjny palityk Uładzimir Niaklajeŭ i mahiloŭski aktyvist Stanisłaŭ Paŭlinkovič. Niaklajeŭ pravioŭ siamisutkavy aryšt u Centry izalacyi pravaparušalnikaŭ, adkul vyzvaliŭsia 22 vieraśnia, Paŭlinkoviča pakarali štrafam u 460 rubloŭ.
Na 28 vieraśnia pryznačany sud nad Viačasłavam Siŭčykam. Razhladać spravu budzie sud Partyzanskaha rajona Minska.
