Kryčaŭskija śledčyja vyśviatlajuć abstaviny ŭzharańnia aŭtamabila i śmierci mužčyny, paviedamili va USK pa Mahiloŭskaj vobłaści.
sk.gov.by
24 vieraśnia ŭ lasnym masivie na bierazie raki Sož pablizu vioski Pakłady adbyłosia ŭzharańnie «Sitrajena». U źniščanaj ahniom mašynie znojdzienaje abharełaje cieła mužčyny.
Śledčyja vyśviatlajuć abstaviny zdareńnia. Vyśvietlenaja asoba zahinułaha — im akazaŭsia žychar Klimavičaŭ 1966 hoda naradžeńnia. Svajaki paviedamili, što mužčyna pajechaŭ na rybałku. Zastaŭšysia načavać, raźmiaściŭsia ŭ mašynie razam sa svaim sabakam. Ranicaj zharełuju mašynu vyjaviŭ rybak, jaki prachodziŭ mima.
Paśla praviadzieńnia sudova-miedycynskaha daśledavańnia trupa ekśpierty vyjavili, što ŭ ačahu pažaru mužčyna byŭ jašče žyvy. Heta dazvalaje vykazać zdahadku, što adnoj z pryčyn śmierci mužčyny moža źjaŭlacca atručeńnie vokisam vuhlarodu. Najbolš imavierna, zahinuły znachodziŭsia ŭ stanie ałkaholnaha apjanieńnia, kuryŭ i zasnuŭ, a niepahašanaja cyhareta stała pryčynaj uzharańnia aŭtamabila. Kančatkovyja pryčyny zdareńnia buduć ustanoŭlenyja paśla praviadzieńnia sudova-ekśpiertnych daśledavańniaŭ.
Pa dadzienym fakcie Kryčaŭski rajonny adździeł Śledčaha kamiteta pravodzić pravierku, pa vynikach jakoj budzie pryniataje pracesualnaje rašeńnie.
