Biełaruś z 1 kastryčnika pavialičvaje ekspartnyja pošliny na naftu i naftapradukty, jakija vyvoziacca za miežy mytnaj terytoryi Jeŭrazijskaj ekanamičnaj sajuza (JEAES). Adpaviednaje rašeńnie zamacavana ŭ pastanovie Savieta Ministraŭ, paviedamili BiełTA ŭ pres-słužbie biełaruskaha ŭrada.
Staŭka ekspartnaj pošliny na syruju naftu pavyšana z $ 84,1 da $ 87,9 za 1 t. Pošlina na pramahonny bienzin - z $ 46,2 da $ 48,3 za 1 t, na tavarnyja bienziny - z $ 25,2 da $ 26,3 za 1 t. Pošlina na lohkija, siarednija dystylaty składzie $ 26,3 za 1 t (była $ 25,2). Takaja ž pošlina ŭstalavanaja ŭ dačynieńni da dyzielnaha paliva, bienzołu, tałuołu, ksiłołaŭ, zmazačnych i inšych alivaŭ.
U papiaredni raz staŭki vyvaznych mytnych pošlin u dačynieńni da syroj nafty i asobnych katehoryj tavaraŭ, vyrablenych z nafty, źmianialisia 1 vieraśnia. Tady jany taksama byli pavyšanyja.
