Smartfony vajskoŭcaŭ, jakija znachodziacca na bazach NATA ŭ Estonii, Łatvii i Polščy, padvierhnulisia chakierskamu napadu. Vajskoŭcy padazrajuć, što za atakami stajać rasijskija chakiery. Na Rasiju, u pryvatnaści, pakazvaŭ IP-adras, ź jakoha sprabavali ŭzłamać smartfon, piša UNIAN sa spasyłkaj na WSJ.
Dla napadaŭ vykarystoŭvalisia drony, abstalavanyja technikaj dla nazirańnia. Ekśpierty, apytanyja vydańniem, śćviardžajuć, što takoje abstalavańnie, chutčej za ŭsio, dastupnaje tolki dziaržaŭnym arhanizacyjam.
Na vajennaj bazie ŭ Polščy chakierskaj atacy padvierhlisia smartfony i akaŭnty ŭ fejsbuku jak minimum siami čałaviek. Jak raspaviała WSJ adna z krynic, paśla viartańnia z navučalnych strelbaŭ jana vyjavła, što jaje smartfon sprabujuć uzłamać. Chakier sprabavaŭ prajści praz druhi etap jaho abarony.
Z-za častych vypadkaŭ uzłomu vajskoŭcaŭ u Estonii abaviazali vyniać SIM-karty z telefonaŭ, a internetam dazvolili karystacca tolki praź biaśpiečnyja złučeńni ŭ čaści. Vykarystańnie hieałakacyi taksama zabaronienaje.
Krynica WSJ raspaviała, što infarmacyja, atrymanaja sa smartfonaŭ, vykarystoŭvałasia padčas sustreč z vajennymi, kab ich zapałochać. Pry hetym jany aścierahajucca, što ŭzłamanyja smartfony mohuć adpraŭlać iłžyvyja kamandy vajskoŭcam u vypadku pačatku bajavych dziejańniaŭ.
