Novaja redakcyja zakona ab srodkach masavaj infarmacyi pavinna być ščylna źviazana z pracesami, jakija adbyvajucca ŭ elektronnych ŚMI i sacsietkach.
Pra heta zajaviŭ ministr infarmacyi Alaksandr Karlukievič na pieradačy «Kłub redaktaraŭ» u efiry telekanała «Biełaruś-1».
Pry hetym jon źviarnuŭ uvahu na toje, što źmieny ŭ pieršuju čarhu datyčacca sacyjalnych sietak. «Heta pierš za ŭsio vystupy ŭ sacsietkach, internecie», — udakładniŭ Alaksandr Karlukievič. U Rasii i krainach ES aktyŭna pracujuć nad udaskanaleńniem zakanadaŭčaj bazy, jakaja rehuluje hetyja pytańni. «Treba dahaniać i farmiravać nie tolki hramadskaje mierkavańnie, ale i zakanadaŭčyja aśpiekty», - ličyć ministr. U toj ža čas, pavodle jaho słoŭ, važna nie pierajści peŭnuju miažu. «Važna, kab zakon nie vykonvaŭ funkcyi cenzara i nie abmiažoŭvaŭ hramadstva i jaho prava na svabodu vykazvańnia», — padkreśliŭ jon.