Staršynia Biełaruskaj tenisnaj fiederacyi Siarhiej Ciacieryn u prahramie «PRO sport. Vyniki» na telekanale «Biełaruś 5» acaniŭ imaviernaść prybyćcia eks-pieršaj rakietki śvietu Viktoryi Azaranka na finalny matč Kubka fiederacyi suprać zbornaj ZŠA, jaki projdzie 11-12 listapada na korcie «Čyžoŭka-Areny», piša Sport.tut.by
— Usie ŭ kursie, što jaje čakajuć sudovyja słuchańni. Naturalna, nie na našaj ziamli. Rašeńnie budzie prymacca zhodna z amierykanskim zakanadaŭstvam. Sama Vika pryznajecca, što viadzie padrychtoŭku da matča suprać kamandy ZŠA. Što ž, budziem spadziavacca, što advakaty spracujuć prafiesijna i ŭdača budzie na našym baku, - skazaŭ Siarhiej Ciacieryn.
Viktoryja Azaranka viadzie praces z baćkam svajho syna za prava apieki nad 9-miesiačnym Lea. Z-za hetaha biełaruska źniałasia z US Open i jašče niekalkich turniraŭ.
Biełaruskija tenisistki ŭ krasaviku ŭpieršyniu ŭ historyi vyjšli ŭ finał Kubka fiederacyi. Za hałoŭny kamandny trafiej suśvietnaha žanočaha tenisa kamanda Biełarusi pazmahajecca sa zbornaj ZŠA. Matč projdzie 11-12 listapada ŭ Minsku i składajecca ź piaci sustreč i prachodzić u dva spabornickija dni. U pieršy dzień prachodziać dźvie hulni ŭ adzinočnym razradzie, u druhi — dźvie adzinočnyja i adna parnaja sustreča.
