Litoŭskaja kandytarskaja fabryka Naujoji Rūta nie zmoža bolš vypuskać cukierki pad handlovym znakam Krasnaja Šapočka («Čyrvony kapturok»), pastanaviŭ sud.
Vilenski akruhovy sud 3 kastryčnika zadavoliŭ skarhu maskoŭskaj kandytarskaj fabryki «Čyrvony Kastryčnik» i zabaraniŭ Naujoji Rūta vykarystoŭvać hety handlovy znak, paviedamlaje Delfi.
«Słoŭny elemient handlovaha znaka pazoŭnika i adkazčyka vymaŭlajucca adnolkava, tamu źjaŭlajucca fanietyčna identyčnymi. U suda nie ŭźnikła sumnieńniaŭ u tym, što značnaja častka hramadstva ŭ Litvie bieź ciažkaściaŭ razumieje ruskuju movu i zdolnaja pračytać jak ruskija słovy, tak i takija ž słovy, napisanyja łacinskimi litarami, i pa hetaj pryčynie adnolkava ich vymaŭlać», — havorycca ŭ pastanovie suda.
Naujoji Rūta vyrablaje hetyja cukierki dla hamburhskaj kampanii Dovgan. Litoŭskija sudy taksama razhladajuć sprečku «Čyrvonaha Kastryčnika» i Naujoji Rūta z nahody cukierak Miška kosolapyj («Miška kasałapy»).