fifa.com
Zbornaja Isłandyi ŭpieršyniu ŭ historyi zavajavała pucioŭku na ČS pa futbole. U paniadziełak isłandcy pieramahli na svaim poli Kosava 2:0 (Hiułfi Sihurdsan, 40, Jochan Hudmunsan, 78) i zaniali pieršaje miesca ŭ hrupie, apiaredziŭšy Charvatyju i Ukrainu.
Isłandyja ŭ 2016 h. upieršyniu zhulała na čempijanacie Jeŭropy, dzie vyjšła ŭ čverćfinał, u 1/8 finału vybiŭšy Anhliju.
Charvaty siońnia ŭ haściach pieramahli Ukrainu ź likam 2:0 i adpraŭlajucca ŭ stykavyja matčy.
Isłandyja — 22, Charvatyja — 20, Ukraina — 17, Turcyja — 15, Finlandyja — 9, Kosava — 1.
Siońnia taksama pucioŭku na ČS zavajavała Sierbija, što pieramahła Hruziju 1:0. Irłandyja ŭ haściach pieramahła Uels 1:0 i zhulaje ŭ stykach.
Sierbija — 21, Irłandyja — 19, Uels — 17, Aŭstryja — 15, Hruzija — 5, Małdova — 2.
***
Pucioŭki ad Jeŭropy na čempijanat śvietu ŭžo zavajavali: Hiermanija, Anhlija, Bielhija, Polšča, Ispanija, Isłandyja, Sierbija. Hetyja kamandy zaniali pieršyja miescy ŭ hrupie.
Zbornaja Biełarusi praviadzie svoj apošni matč u adboračnym turniry ŭ aŭtorak. Heta budzie hulnia suprać Francyi. U hety ž dzień Šviecyja zhulaje ŭ haściach z Hałandyjaj. Francyja i Šviecyi vyrašajuć, chto zojmie pieršaje miesca, a chto adpravicca ŭ styki.
Francyja — 20, Šviecyja — 19, Hałandyja — 16, Bałharyja — 12, Biełaruś — 5, Luksiemburh — 5.
Taksama ŭ aŭtorak vyznačycca, chto zavajuje pieršaje miesca ŭ svajoj hrupie, a chto adpravicca ŭ stykavyja matčy: Partuhalija abo Šviejcaryja. Jany zhulajuć miž saboj u Lisabonie. Pakul šviejcarcy apiaredžvajuć apanientaŭ na try ački.
