Chołdynh «Fransa» i «Fransabank» (Livan) sumiesna nabyli 98,93% aktyvaŭ biełaruskaha banku.
«Fransabank» planuje pavialičyć statutny fond «Załatoha talera» z metaj pašyreńnia jaho licenzijnych paŭnamoctvaŭ, adčynić sietku filijałaŭ u Biełarusi. U metach taksama pryciahnieńnie ŭ našu krainu suśvietnaha i pryvatnaha arabskaha kapitału.
U pryvatnaści, na biełaruski bankaŭski rynak pryjduć instytucyjanalnyja akcyjanery «Fransabanku» — Credit Agricole SA (Francyja), German Investment & Development Co (Niamieččyna), The Public Institution for Social Security (Kuvejt).
«Fransabank» zasnavany ŭ 1921 hodzie, źjaŭlajecca najstarejšym i viadučym bankam u Livanie.
Na kaniec červienia hetaha hodu aktyvy «Fransabanka» skłali $7,9 młrd. Jaho pradstaŭnictvy dziejničajuć u Francyi, Alžyry, Siryi, Sudanie, Kubie, Libii.
