Novy etap sacyjalnaha prajekta «Čytajem pa-biełarusku z velcom» startavaŭ 11 kastryčnika, paviedamlajecca na sajcie apieratara.
Raniej inicyjatyva isnavała ŭ vyhladzie interaktyŭnych urokaŭ biełaruskaj movy i litaratury, nastaŭnikami na jakich vystupali viadomyja biełaruskija piśmieńniki, paety, akciory, televiadučyja i spartsmieny. Ciapier «Čytajem pa-biełarusku z velcom» zapuskajecca ŭ farmacie respublikanskaha anłajn-konkursu, udzielnikami jakoha stanuć navučency 7-8 kłasaŭ z usioj Biełarusi. Arhanizatary chočuć adkryć dla vučniaŭ śviet biełaruskaj litaratury pa-novamu, a taksama vykarystać mahčymaści sacyjalnych sietak dla adukacyi.
Vučniam prapanujuć zapisać videa, dzie jany čytajuć tvor sa školnaj prahramy pa biełaruskaj litaratury. Heta moža być jak paezija, tak i proza. Zatym treba vykłaści jaho na asabistaj staroncy ŭ sacyjalnaj sietcy (Ukantakcie, Facebook, Instagram) z chešteham #čytajemzvełkom abo #čytajemzvelcom, a taksama adpravić spasyłku na publikacyju na aficyjny adras konkursu — [email protected]. Videazapisy ŭdzielnikaŭ prymajucca da 30 listapada 2017 hoda.
Padrabiaznaści možna daviedacca na sajcie velcom.
