Naviednikaŭ kramy «Ałmi» ŭ pinskim mikrarajonie Łuhi evakujavali 14 kastryčnika ratavalniki i milicyja z-za falšyvaha paviedamleńnia ab miniravańni. Ab hetym paviedamiŭ TUT.BY staršy inśpiektar hrupy infarmacyi i hramadskich suviaziej Pinskaha HAUS Alaksandr Kaściukievič.
Dniom u kramu zajšła žančyna ŭ čornaj chustcy. Jana paviedamiła, što handlovy abjekt zaminiravany, a zatym źnikła. Ab niestandartnym źniešnim vyhladzie žančyny taksama paviedamlajuć karystalniki pinskich pablik, jakija stali vidavočcami.
Na miesca vyklikali ratavalnikaŭ i milicyju, a z kramy evakujavali 105 čałaviek. Vyśvietliłasia, što raniej u toj ža dzień hetaja ž žančyna paviedamiła pra miniravańnie płavalnaha basiejna škoły na vulicy Parkavaj.
Hrupa raźminiravańnia abśledavała kramu i budynak škoły. Vybuchovych pryład sapiory nie znajšli.
«U Pinsku zatrymali padazravanuju ŭ iłžyvym paviedamleńni ab miniravańni škoły i kramy. Joju akazałasia miascovaja žycharka 1986 hoda naradžeńnia, jakaja znachodzicca na ŭliku ŭ narkałahičnym dyspansiery. Žančyna znachodziłasia ŭ stanie ałkaholnaha apjanieńnia. Zaviedzienaja kryminalnaja sprava», — paviedamili ŭ Śledčym kamitecie.
Kryminalnaja sprava ŭ dačynieńni da zatrymanaj raspačata pa artykule «Chulihanstva».