Siońnia ja prapanuju napiačy duchmianych aładačak na śmiatanie ź jabłykami i cynamonam. Dziakujučy śmiatanie jany atrymajucca bolš puchnatyja, čym zvykłyja aładki na kiefiry, a jabłyki my budziem nie rezać, a cierci — tady jany pryhatujucca adnačasova ź ciestam. Padavać ich možna sa śmiatanaj, vareńniem, miodam ci — jak na fota — z klanovym siropam.
Vam spatrebicca:
- 200 h śmiatany
- 200 mł kiefiru
- 1 jajka
- 5 st.ł. cukru
- drobka soli
- 0,5 č.ł. cynamonu (možna bolej, kali lubicie)
- 1 č.ł. sody
- 2-3 jabłyki
- kala 1,5 šklanki muki
Jak hatavać:
1. Źmiašać śmiatanu, kiefir, jajka (jany pavinny być pakajovaj tempieratury), dadać cukar z sollu i źlehku ŭźbić videlcam.
2. Jabłyki pačyścić, nacierci na bujnoj tarcy. Dadać u ciesta razam z cynamonam, pieramiašać.
3. Pastupova dadać muku z sodaj, praciahvajučy pieramiešvać. Muki moža spatrebicca bolš (ci mienš), čym paznačana: važna, kab ciesta było hustym, i nie ściakała, a zvalvałasia z łyžki, inakš aładki nie padymucca jak śled.
4. Hatovaje ciesta pakinuć «adpačyć» na 15—20 chvilin.
5. Piačy aładki na nievialikaj kolkaści aleju, na siarednim ahni da załacistaha koleru: na adnym baku pad nakryŭkaj, na druhim — biez.
Čytajcie taksama:
Piečyva z žuravinami: recept na vychodnyja
