Minharvykankam zabaraniŭ praviadzieńnie 29 kastryčnika pikieta kala Ministerstva abarony nakont situacyi ŭ biełaruskim vojsku, u tym liku dziedaŭščyny i śmierciaŭ vajskoŭcaŭ.
Adpaviedny adkaz atrymaŭ namieśnik staršyni Sacyjalna-chryścijanskaha ruchu Maksim Hacak, piša bchd.info.
«Admova była čakanaj. Aficyjnaja pryčyna — niedazvolenaje miesca praviadzieńnie. Ale inšaha miesca dla pikietu suprać dziedaŭščyny jak pobač ź Minabarony i być nie moža. Tym bolš, što ŭłady nieadnarazova zabaraniali akcyi pa hučnych spravach navat u dazvolenych miescach», — miarkuje M.Hacak.
Zajaŭka na pikiet była padadzienaja 13 kastryčnika. U hety ž dzień pradstaŭniki kiraŭnictva Sacyjalna-chryścijanskaha ruchu i BCHD pieradali ŭ Minabarony zvarot, u tym liku z zaklikam rasśledavać situacyju z zahadkavymi śmierciami ŭ vojsku.
