Supracoŭnikami Nacyjanalnaha centralnaha biuro Interpała ŭ Biełarusi i ŭpraŭleńnia nahladna-vykanaŭčaj dziejnaści MUS 19 kastryčnika ekstradziravany z Charvatyi biełaruski hramadzianin, paviedamlaje pres-słužba MUS.
U mižnarodnym vyšuku jon znachodziŭsia z 2016 hoda pa inicyjatyvie orhanaŭ finansavych rasśledavańniaŭ i byŭ zatrymany ŭ žniŭni 2017 pry pierasiačeńni charvackaj miažy.
Jak raspavioŭ načalnik NCB Interpała Alaksandr Piatran, mužčyna abvinavačvajecca ŭ ažyćciaŭleńni niezakonnaj pradprymalnickaj dziejnaści ŭ śfiery budaŭnictva. Svoj biznes fihurant vioŭ biez adpaviednaj rehistracyi, u vyniku čaho nielehalna atrymaŭ dachod u pamiery kala $1 miljon. Jamu moža pahražać pazbaŭleńnie voli terminam da 5 hadoŭ.
Ad pačatku hoda heta 11-ja ekstradycyja ŭ Biełaruś.
