Razam z pravizaram sietki «Zialonych aptek» Alenaj Haŭryš my prajšlisia pa samych častych pamyłkach, jakija absalutnaja bolšaść robić u dohladzie tvaru.
Pravizar sietki «Zialonych aptek» Alena Haŭryš.
{{#1#2 Nie ŭmyvajeciesia ci robicie heta z myłam}}
Pamyłka 1: nie ŭmyvajeciesia ranicaj
Umyvacca treba jak viečaram, tak i ranicaj, pryčym nie prosta vadoj. Za noč na tvary nazapašvajecca brud: pył, pot, skurany tłušč. Ranicaj usio heta taksama treba zdymać z ačyščalnymi srodkami, bo prosta vadoj zmyć nie atrymajecca. Ad hetaha potym i źjaŭlajucca zakuporki, čornyja kropki dy zapaleńni.
Pamyłka 2: umyvajeciesia z myłam
Nielha, pryčym u lubym uzroście. Maładaja skura heta, moža być, i daruje, jana jašče adnovicca. Ale skura paśla 30 hadoŭ daravać nie zmoža, bo myła — jano ščołačnaje. Myła zdymaje abarončy słoj na raz-dva, i skura potym ciaham sutak nie moža adnavicca. Praz heta źjaŭlajucca suchaść i marščyny.
Dla ŭmyvańnia nieabchodnyja admysłovyja srodki. Dla tłustaj skury dobryja hieli, pienki. Dla suchoj — małačko. Dla ŭzrostavaj skury, paśla 35 hadoŭ, hieli ŭžo nie padychodziać, lepš za ŭsio ŭmyvacca kaśmietyčnym małačkom. I nie prosta nanosić na sponž i pracirać tvar, a mienavita ŭmyvacca, jak hielem ci pienkaj.
{{#3 Pamylajeciesia sa skrabam}}
Pamyłka 3: časta karystajeciesia ci nie karystajeciesia skrabam
Rehularnaje ačyščeńnie skrabam ci pilinham abaviazkovaje, tamu što rahavyja čaścicy skury — heta miortvyja čaścicy, ich treba zdymać. Kali jany zastajucca, jakija b cuda-kremy vy nie nabyvali, jany prosta banalna nie trapiać da tych «žyvych» słajoŭ skury, jakim patrebna siłkavańnie. Ale jość niuansy.
Kali skura tłustaja, karystacca skrabam ci pilinham možna dva razy na tydzień. Kali suchaja abo ŭzrostavaja — raz na dziesiać dzion abo raz na dva tydni.
Vykarystoŭvać skrab možna tolki da 25 hadoŭ, paśla — vyklučna pilinh. U skrabie ŭtrymlivajucca vielmi hrubyja čaścicy, jakija paškodžvajuć skuru. Paśla 30 hadoŭ jana ŭžo nie adnaŭlajecca i ŭsie paškodžańni zastajucca.
Najlepš vykarystoŭvać fiermientatyŭnyja pilinhi, lohkija hamažy, jany padychodziać dla adčuvalnaj skury, bo mienš ahresiŭnyja.
{{#4 Ihnarujecie tonik}}
Pamyłka 4: ihnarujecie tonik
Mnohija karystajucca tonikam jak łaśjonam, ale tonik — nie łaśjon.
Tonik patrebny dla taho, kab paśla ačyščeńnia skury adnavić pH-bałans skury. Jaki b miakki srodak dla ŭmyvańnia ni byŭ, jon usio adno zrušyć pH.
Akramia taho, biez prymianieńnia tonika kremy nie buduć pracavać, navat samyja dobryja. Z tonikam aktyŭnaść kremu pavyšajecca ŭ try razy. Nanosić tonik treba paśla ŭmyvańnia. Paśla taho, jak jon vysachnie, navierch kładziecca krem.
{{#5 Sušycie skuru}}
Pamyłka 5: sušycie tłustuju skuru
Mnohija dumajuć, što tłustuju skuru treba sušyć, sušyć i sušyć. Ale sušyć jaje nie treba zusim. Čym bolš my jaje sušym, tym bolšy stres jana pieražyvaje i vypracoŭvaje jašče bolš tłušču.
Tamu lubyja srodki sa śpirtam vykarystoŭvać kateharyčna nielha. Kali jość zapaleńni, to padsušyć ich možna kropkava vatnaj pałačkaj. Ale nijak nie nanosić srodak na ŭvieś tvar.
Šmat chto taksama hrašyć z uvilhatnieńniem. Tłustaj skury jano hetak ža patrebna, jak i suchoj. Inakš skura atrymlivajecca z tłustaj plonkaj, ale abiazvodžanaja. Treba vykarystoŭvać uvilhatnialnyja kremy, toniki i łaśjony, što nie ŭtrymlivajuć śpirt. Možna vykarystoŭvać hiałuronavuju vadu, termalnuju vadu.
{{#6 Nie zmyvajecie micelarnuju vadu}}
Pamyłka 6: nie zmyvajecie micelarnuju vadu
Micelarnaja vada dla ačyščeńnia nasamreč vielmi dobraja. I dla adčuvalnaj skury, i dla ŭzrostavaj. Ale jaje treba zmyvać. Kali pracierci tvar micelarnaj vadoj i tak i pakinuć, to miceły, što ŭbirajuć u siabie brud, zastanucca ź im razam na skury. To bok micelarnaja vada — heta taki ž srodak ačyščeńnia jak hiel ci małačko, paśla jakoha nieabchodna nanosić tonik.
{{#7 Błytajecie kremy}}
Pamyłka 7: niapravilna karystajeciesia kremami
Pa-pieršaje, ich treba padbirać pa siezonie: letam — bolš lohkaj tekstury, zimoj — bolš ščylnaj. Hladzieć treba i na typ skury.
Pa-druhoje, kremy abaviazkova pavinny padzialacca na dzionny i načny. Čamu? Dzionny krem bolš lohki, jon vykarystoŭvajecca jak asnova pad makijaž i jak abarona ad ultrafijaletu. Načny krem bolš ščylny, bolš aktyŭny, tamu što ŭ hety čas arhanizm adnaŭlajecca, skura ŭ tym liku. To bok kali ŭdzień skury ŭ pieršuju čarhu nieabchodna ŭvilhatnieńnie, to ŭnačy — siłkavańnie.
Pa-treciaje, dla skury vakoł vačej musić być asobny krem. Čamu? Na skury pad vačyma salnych załoz niama. Skura vielmi tonkaja i vielmi adčuvalnaja. Dla jaje nie padychodziać tyja srodki, što my vykarystoŭvajem dla tvaru, navat dla adčuvalnaj skury. Nielha hrašyć tym, što «ja kuplu adzin krem i budu vykarystoŭvać jaho paŭsiul». Bolš za toje, nanosić jaho taksama treba pravilna. Nielha nanieści małačko i ničoha nie zmyć, nakłaści źvierchu krem i pajści spać — buduć acioki. Krem treba nanosić nie paźniej, čym za hadzinu da snu, kab jon uvabraŭsia i pačaŭ narmalna pracavać.
Darečy, srodak dla źniacca makijažu z vačej taksama musić być asobny. Nielha cierci vočy myłam, bo nie zmyvajecca tuš. Ni ŭ jakim razie nielha traŭmavać skuru.
Što tyčycca dzionnaha kremu, to nanosić jaho treba prykładna za 40 chvilin da vychadu z domu, nie paźniej, kab skura paśpieła ŭsio ŭvabrać. Makijaž kładziecca navierch na krem. Časam ludzi z tłustaj skuraj nanosiać tanalnik adrazu, biez kremu. Ale tak nielha, bo tanalny paprostu zabje pory.
Pry vybary kremu hladzicie na skład. U jakasnym srodku na pieršym miescy budzie vada, a na druhim — alej. Pryčym raślinny, sapraŭdny, a nie sintetyčny.
{{#8 Hladzicie nie na toj termin prydatnaści}}
Pamyłka 8: hladzicie nie na toj termin prydatnaści
Termin prydatnaści adkrytaha kremu paznačajecca asobna. Hladzieć treba na ličbu, što staić pobač z vyjavaj adkrytaj banački. Ličba aznačaje, kolki miesiacaŭ možna karystacca srodkam paśla taho, jak vy jaho adkryli.
Najlepš nabyvać tyja srodki, na jakich paznačana «3M». Jany buduć prydatnyja ŭsiaho try miesiacy, a značyć, u ich šmat naturalnych kampanientaŭ.
Kali staić dadatkovaja paznaka, što zachoŭvać krem možna tolki ŭ ladoŭni, — jašče lepš. Značyć, naturalnych kampanientaŭ budzie jašče bolš. Čym daŭžej termin prydatnaści adkrytaha kremu, tym bolš u im kansiervantaŭ. Asnoŭnaja masa kremaŭ maje termin prydatnaści paśla adkryćcia 12 miesiacaŭ, što, u pryncypie, taksama prymalna.
Treba zaznačyć, što nanosić krem lepš admysłovaj łapatačkaj. Kali my biarom krem rukami, to adnačasova zanosim roznyja bakteryi. Potym my ŭsio heta nanosim na skuru, što vyłazić u vyhladzie pryščykaŭ.
{{#9 Nie prybirajecie liški aleju}}
Pamyłka 9: nie prybirajecie liški aleju
Alei — dobraja alternatyva kremam, dla tłustaj skury ŭ tym liku. Kali vy nanosicie alej na tłustuju skuru, jana supakojvajecca i svoj tłušč nie vypracoŭvaje, bo jana jaho ŭžo atrymała. Salnyja załozy spakojnyja, jany adpačyvajuć.
Dla tłustaj skury padychodzić masła vinahradnaj kostački, mindalnaje. Masła kakavy i masła šy — jany ŭvohule dla ŭsich. Ale treba hladzieć voś na što. Jość ćviordyja alei, jakija i ŭ pryrodzie adrazu ćviordyja, a jość — vadkija. Dyk voś kali alei ŭ pryrodzie vadkija, ale jany pradajucca ŭ ćviordym vyhladzie, to ničoha dobraha ŭ hetym niama. Najlepš, kali alei znachodziacca ŭ svaim naturalnym stanie.
Akramia taho, praz 20-30 chvilin paśla taho, jak vy nanieśli alej, liški treba prybrać, pramaknuŭšy tvar survetkaj. Skura ŭbiraje ŭ siabie toje, što joj nieabchodna, a astatniaje pakidaje. Pryncyp padobny na masku.
{{#10 Chodzicie z maskaj}}
Pamyłka 10: nanieśli masku i chodzicie, a nie lažycie
Maskami treba karystacca ŭvieś čas, heta vielmi aktyŭny dohlad. Ale kali vy nanieśli masku, nielha chadzić ź joj pa kvatery. Maska vielmi ciažkaja, i kali nie lažać, skura abvisaje. Kali hrašyć hetym uvieś čas, tvar paprostu papłyvie.
Bonus
Treba ŭvieś čas pić vadu, tamu što jak by vy skuru zvonku nie ŭvilhatniali, bolšaść vady jana biare znutry. Kali arhanizm abiazvodžany, skura nie budzie pruhkaj.
Ludziam u stałym uzroście karysna ŭžyvać kałahien, ełaścin i hiałuronavuju kisłatu ŭ tabletkach ci paraškach unutr. Skury ŭžo nie dastaje svajho i treba jaje siłkavać i zvonku, i znutry.
Lepš nabyvać kaśmietyku ŭ aptekach, heta adnaznačna budzie bolš jakasny pradukt, bo za zachavańniem kaśmietyčnych srodkaŭ sočać hetak ža, jak i za zachavańniem lekaŭ. Plus u aptekach, jak praviła, kaśmietyčnyja srodki bolš aktyŭnyja, u ich bolšy pracent aktyŭnych kampanientaŭ. Kali ŭ zvyčajnych kramach mas-markietu aktyŭnych kampanientaŭ budzie da 5%, to ŭ aptecy — da 25%.
Bolš za toje, u aptekach jość kremy, jakija zachoŭvajucca tolki ŭ ladoŭni, bo ŭ ich niama ni kansiervantaŭ, ni atdušak, ni farbavalnikaŭ. Nivodnaja krama nie moža sabie hetaha dazvolić. Dy i jak ni kruci, u aptecy pracujuć śpiecyjalisty, jakija mohuć na miescy prakansultavać i paraić, što najlepš padychodzić mienavita vam.
Čytajcie taksama:
Ruhija Kienhierli, jakaja kiruje sotniaj aptek: «Mianie ŭziali prybirać i prynosić kavu»
