Kali ŭ Džona Marcina źjavilisia niepryjemnyja adčuvańni ŭ horle, jon nanios na šyju zvykły dla pracedury UHD-hiel i praskanavaŭ patrebny ŭčastak z dapamohaj Butterfly iQ. Na zdymkach, jakija imhnienna pakazaŭ iPhone, akazałasia ciomnaje trochsantymietrovaje ŭtvareńnie.
Pryłada stvoranaja kampanijaj Butterfly Network. U adroźnieńnie ad padobnych raspracovak, tut vykarystoŭvajecca zusim inšaja technałohija. Zvyčajna ultrahukavyja chvali hienieruje kryštal, jaki vibruje z peŭnaj častatoj. U navincy ž jaho zamianili paŭpravadnikovym čypam pamieram z paštovuju marku, što dazvoliła zrabić vytvorčaść istotna tańniejšaj. Pa dakładnaści prybor sastupaje stacyjanarnym sistemam, ale heta kampiensujecca jahonaj partatyŭnaściu.
Košt Butterfly iQ składzie $2000, pastaŭki pačnucca ŭ 2018 hodzie. U nastupnym hodzie kamanda abiacaje vypuścić abnoŭlenaje prahramnaje zabieśpiačeńnie, jakoje dazvolić analizavać abjomy kryvi, jakija pierapampoŭvajucca sercam, i dyjahnastavać niekatoryja parušeńni, naprykład, anieŭryzm aorty. Śpiecyjalisty Butterfly Network ličać, što ŭ budučyni prahramnaje zabieśpiačeńnie z štučnym intelektam dazvolić aŭtamatyčna interpretavać vyniki ultrahukavoha daśledavańnia.
