31 kastryčnika Urad Litoŭskaj Respubliki pryniaŭ aficyjnaje rašeńnie ab pieradačy Jeŭrapiejskamu humanitarnamu ŭniviersitetu (EHU) budynka byłoha Aŭhustynskaha klaštara — paviedamiŭ EHU. Budučy korpus univiersiteta mieścicca ŭ starym horadzie Vilni, što znachodzicca ŭ śpisie abjektaŭ Suśvietnaj spadčyny JUNIESKA, usiaho za 200 mietraŭ ad Vilenskaj ratušy.
Interjer klaštara paśla restaŭracyi
Pieršym mierapryjemstvam, jakoje adbudziecca ŭžo 17 listapada ŭ novym navučalnym korpusie, budzie ŭračystaja cyrymonija, pryśviečanaja 25-hodździu EHU.
«Heta važny krok u raźvićci ŭniviersiteta i supracoŭnictvie z krainaj, jakaja nas pryniała», — adznačyŭ vykonvajučy abaviazki Rektara EHU Jorhien Jorhiensen.
Były klaštar Aŭhustynskaha ordena byŭ zbudavany ŭ kancy XVIII stahodździa na skryžavańni sioniašnich vulic Savičaŭs i Bokšta, za 200 mietraŭ ad vilenskaj Ratušy. Pabudovu płoščaj bolš za 2700 kv. m. vyłučajuć aryhinalnyja elemienty interjeru, u tym liku freski i brukavanaja padłoha, jakija zachavalisia padčas piacihadovaj restaŭracyi.
