Fota: Reuters
Cana nafty marki Brent ŭ aŭtorak, 7 listapada, pieravysiła dvuchhadovy maksimum i dasiahnuła adznaki $64,65 za baral (tarhi 6 listapada 2015 hodu byli zavieršanyja na adznacy $64,27 za baral).
Amierykanskaja nafta WTI padčas tarhoŭ dasiahała adznaki $57,69 za baral, taksama pakazaŭšy dvuchhadovy maksimum (6 listapada 2015 hoda za jaje davali $57,35).
Za hod Brent padaražeła bolš jak na 41% z $46,15 za baral. Hetamu spryjali padaražeńnie naftapraduktaŭ i cykličny ŭzdym suśvietnaj ekanomiki, jaki achapiŭ jak raźvityja rynki, tak i rynki, jakija raźvivajucca, vynikaje z apublikavanaha ŭ piatnicu, 3 listapada, ahladu analityka Bank of America Merrill Lynch (BofA) Francyska Błanša pad nazvaj «Dzie miaža padaražeńnia nafty?».
Na dumku Błanša, siaredniaja cana Brent da 2020 hoda budzie znachodzicca ŭ dyjapazonie $60…65 za baral, adnak na piku jaje cana moža dasiahać $75 za baral.
Pavodle prahnozu banka, Brent budzie kaštavać u siarednim $54 za baral u čaćviortym kvartale 2017 finansavaha hoda i $56 za baral u čaćviortym kvartale 2018 hoda (WTI — $49 i $52 adpaviedna, na piku moža dasiahać $65 za baral).
Ź niefundamientalnych faktaraŭ na naftu akazali ŭpłyŭ naviny z Saudaŭskaj Aravii, u jakoj na vychodnych prajšli aryšty pryncaŭ, biźniesmienaŭ i čynoŭnikaŭ.
Abvieščanaja hienieralnym prakuroram krainy «pieršaja faza» baraćby z karupcyjaj strasianuła karaleŭstva i šakavała inviestaraŭ, piša Bloomberg, ale pazityŭna adbiłasia na kaciroŭkach syraviny, adznačajuć ekśpierty. 6 listapada, u pieršy dzień tarhoŭ paśla aryštaŭ, Brent padaražeła na 3,54%.
Inviestary ŭhledzieli ŭ aryštach imknieńnie karala likvidavać usie pieraškody, što zastalisia, dla pieradačy ŭłady svajmu synu, naślednamu pryncu Muchamiedu bien Sałmanu, jaki padtrymlivaje skaračeńnie zdabyčy, i nakiravali srodki ŭ naftavyja aktyvy.
