Brytanski navukoviec Styvien Chokinh zajaviŭ, što čałaviectva zahinie pryblizna ŭ 2600 hodzie, paśla taho jak Ziamla pieratvorycca ŭ «pałymiany ahnisty šar». Pra heta paviedamlaje New York Post.
Katastrofa na Ziamli, na dumku vučonaha, adbudziecca praź pieranasialeńnie i pavieličeńnie spažyvańnia enierhii. Vyratavańnie čałaviectva mahčyma tolki na inšych płanietach, ličyć Chokinh.
Vystupajučy pa videasuviazi na samicie Tencent WE ŭ Piekinie, Chokinh zaklikaŭ inviestaraŭ padtrymać jaho prajekt Breakthrough Starshot, meta jakoha — padarožža da bližejšaj ŭ Soniečnaj sistemie zorki Alfa Centaŭra. Na dumku vučonaha, tam moža być prydatnaja dla žyćcia płanieta. Kaśmičny aparat Breakthrough Starshot budzie lacieć na chutkaści ŭ 15—20% ad chutkaści śviatła i zmoža dasiahnuć zorki za 20 hadoŭ.
