Dziaržsakratar ZŠA Kandaliza Rajs vystupiła z novaj žorstkaj krytykaj rasiejskaha ŭvarvańnia ŭ Hruziju.
Jana skazała, što svaimi dziejańniami Rasieja sama zahnała siabie ŭ kut i paabiacała praciahvać padtrymlivać rasiejskich demakrataŭ.
Rajs vyśmiejała pryznańnie niezaležnaści Abchazii i Paŭdniovaj Asiecii Rasiejaj, skazaŭšy što prykładu Rasiei paśledavali tolki Nikarahua i palestynskaja vajenizavanaja hrupoŭka CHAMAS.
«Toje, što Rasieju palapali pa plačy Daniel Arteha i CHAMAS, ciažka nazvać dyplamatyčnym tryjumfam», — skazała Rajs.
Taksama jana pairanizavała ź vizitu rasiejskich bambardziroŭščykaŭ u Venesuełu, pazvaŭšy ich starejučymi samalotami, što naviedali adnu ź niamnohich aŭtakratyj u Łacinskaj Amerycy.
Rajs skazała, što ZŠA praciahnuć padtrymlivać rasiejskich studentaŭ i vykładčykaŭ, sudździaŭ i žurnalistaŭ, prafsajuznych lideraŭ i demakratyčnych refarmataraŭ, jakija žadajuć naviedać ZŠA.
«My praciahniem padtrymlivać usich rasiejcaŭ, jakija žadajuć dla svajoj krainy svabodnaj budučyni», — padkreśliła jana.
Razam z tym jana skazała, što reputacyja Rasiei ŭ śviecie horš, čym kali b toje ni było ad 1991 h.
«I cana hetaje stvoranaje samoj Rasiejaj izalacyi vysokaja».
Apošnim časam amerykanskija dyplamaty adznačali, što katastrafičny abvał na rasiejskich fondavych rynkach — heta adno z nastupstvaŭ izalacyi Rasiei.