AFP
Zbornaja Sieniehała stała 24-m pa liku ŭdzielnikam čempijanatu śvietu pa futbole.
U piatnicu jana pieramahła ŭ haściach zbornuju PAR ź likam 2:0 i pierad apošnim turam zabiaśpiečyła pieršaje miesca ŭ hrupie D afrykanskaj kvalifikacyi ČS-2018. Dla sieniehalcaŭ heta ŭsiaho tolki druhi padobny pośpiech u historyi.
Sieniehał - 11, Burkina-Faso, Kaba-Verde - 6, PAR - 4
Sieniehał hulaŭ na čempijanacie śvietu ŭ 2002 h., pryčym u hrupavym turniry zaniaŭ 2-je miesca, abyšoŭšy Uruhvaj i Francyju, u 1/8 finału ŭ dadatkovy čas vyjhraŭ u Šviecyi (2:1), a ŭ 1/4 finału ŭ dadatkovy čas prajhraŭ Turcyi (0:1). «Ilvy Teranhi» byli adnoj z samych jarkich zbornych na tym čempijanacie. Pryčym siońnia Sieniehał treniruje kapitan zbornaj-2002 Alju Sise
Hetymi dniami prachodziać stykavyja matčy ŭ Jeŭropie.
U čaćvier u pieršym matčy Charvatyja razhramiła Hrecyju 4:1, a Šviejcaryja vyjhrała ŭ haściach u Paŭnočnaj Irłandyi 1:0. U piatnicu Šviecyja na svaim poli adoleła Italiju — 1:0.
U subotu viečaram projdzie pieršy matč Danija — Irłandyja, taksama ŭ subotu vyznačycca dźvie apošnija krainy z Afryki. Imavierna heta buduć Tunis i Kot-dJIvuar (abo Maroka)
U noč ź piatnicy na subotu hulali Handuras — Aŭstralija, Novaja Ziełandyja — Pieru. U abodvuch matčach zafiksavana ničyja 0:0.
Matčy ŭ adkaz projduć ź niadzieli pa sieradu
Na čempijanatu śvietu vyjšli:
Jeŭropa: Rasija (haspadynia), Anhlija, Bielhija, Hiermanija, Isłandyja, Ispanija, Partuhalija, Polšča, Sierbija, Francyja;
Paŭnočnaja i Centralnaja Amieryka: Kosta-Ryka, Mieksika, Panama;
Paŭdniovaja Amieryka: Arhiencina, Brazilija, Kałumbija, Uruhvaj;
Afryka: Nihieryja, Jehipiet, Sieniehał.
Azija: Iran, Paŭdniovaja Kareja, Saudaŭskaja Aravija, Japonija.
Losavańnie hrupavoha turniru ČS projdzie 1 śniežnia, sam čempijanat śvietu z 15 červienia pa 15 lipienia.