U Rečyckim rajonie Audi zajechała ŭ raku, pierakuliłasia na dach i patanuła: dva čałavieki zahinuli. Infarmacyju paćvierdzili ŭ MNS.
Incydent adbyŭsia 14 listapada ŭ vioscy Žmuraŭka Rečyckaha rajona kala 21:00. Pavodle infarmacyi vidavočcaŭ, akramia kiroŭcy, u mašynie znachodzilisia try pasažyry. Maładyja ludzi z zadnich miescaŭ zmahli vybracca z aŭto, a kiroŭca i pasažyr, jaki siadzieŭ pobač ź im, — nie.
- Da miesca zdareńnia vyjechali supracoŭniki RANS. Pry dapamozie admysłovaha abstalavańnia z vady jany dastali aŭtamabil Audi z dvuma zahinułymi — 33- i 27-hadovym mužčynami. Jašče dva čałavieki — 31- i 24-hadovy mužčyny vybralisia z aŭto samastojna da pryjezdu ratavalnikaŭ, — raspaviała aficyjny pradstaŭnik MNS Homielskaj vobłaści Maryja Klazovič.
