fifa.com
Zbornaja Aŭstralii vyjšła na čempijanat śvietu pa futbole. U druhim stykavym matčy, što prajšoŭ siońnia ŭ Sidnei, jana vyjhrała ŭ Handurasa ź likam 3:1 (pieršy matč — 0:0).
Chiet-trykam (pryčym dvojčy ź pienalci) vyznačyŭsia paŭabaronca «Astan Viły» Mile Jedzinak.
Aŭstralija budzie hulać na čempijanatach śvietu piaty raz. U 2014 hodzie jana nie vyjšła z hrupavoha turniru, prajhraŭšy ŭsie try matčy, pryčym prapuskajučy ŭ kožnym ź im pa try miačy: ad Čyli, Niderłandaŭ i Ispanii.
Na ČS vyjšła 31 zbornaja:
Jeŭropa: Rasija (haspadynia), Anhlija, Bielhija, Hiermanija, Danija, Isłandyja, Ispanija, Partuhalija, Polšča, Sierbija, Francyja, Charvatyja, Šviejcaryja, Šviecyja;
Paŭnočnaja i Centralnaja Amieryka: Kosta-Ryka, Mieksika, Panama;
Paŭdniovaja Amieryka: Arhiencina, Brazilija, Kałumbija, Uruhvaj;
Afryka: Jehipiet, Maroka, Nihieryja, Sieniehał, Tunis;
Azija: Aŭstralija (tak jany hulajuć u adboračnym turniry ŭ Azii), Iran, Paŭdniovaja Kareja, Saŭdaŭskaja Aravija, Japonija.
Apošni ŭdzielnik ČS vyznačycca ranicaj u čaćvier, kali ŭ stykavym matčy zhulajuć Pieru i Novaja Ziełandyja (pieršy matč — 0:0).
Losavańnie hrupavoha turniru čempijanatu śvietu projdzie 1 śniežnia ŭ Maskvie. 32 kamandy buduć padzielenyja na vosiem hrupaŭ. Rasija zhulaje ŭ hrupie A. ČS projdzie z 14 červienia pa 15 lipienia 2018 hoda.