Sioletni čempijanat Biełarusi akazaŭsia samy cikavy za apošnija hady. Ale i samym skandalny.
U 29-m tury barysaŭski BATE atrymaŭ pieramohu nad hrodzienskim «Niomanam» — 3:1.
Vital Radzivonaŭ.
Admietna, što hrodziency adkryli lik u pieršym tajmie. Paśla pierapynku futbalisty BATE zmahli pierałamić situacyju, pryčym u vypadku z druhim hołam sudździ nie zaŭvažyli, jak Vital Radzivonaŭ padyhraŭ sabie rukoj. Futbalisty «Niomana» sprabavali dakazać svaju racyju, i arbitr vydaliŭ adnaho ź ich. Na hetym intryha ŭ matčy źnikła.
Salihorski «Šachcior» tym časam prajhraŭ žodzinskamu «Tarpieda-BiełAZu» ź likam 1:2. Pryčym i tut nie abyšłosia biez skandału. Svoj druhi hoł žodzincy, najchutčej, zabili z afsajda.
Minskaje «Dynama» pieramahło «Krumkačoŭ» — 1:0.
Takim čynam, pierad apošnim turam vierch turnirnaj tablicy vyhladaje nastupnym čynam:
- BATE — 67 bałaŭ.
- «Dynama» (Minsk) — 65 bałaŭ.
- «Šachcior» (Salihorsk) — 65 bałaŭ.
26 listapada ŭsie pretendenty na čempijonstva zhulajuć sa svaimi supiernikami ŭ haściach. BATE adpravicca da «Haradziei», minskaje «Dynama» paspaborničaje z «Viciebskam», a «Šachcior» — z «Niomanam».
Takim čynam, BATE u apošnim matčy dastatkova zhulać uničyju dla čempijonstva. Bo pa asabistych sustrečach barysaŭcy macniejšyja i za «Šachcior», i za «Dynama».
* * *
Nie mienš cikavaja situacyja i ŭ nižniaj častcy tablicy. «Naftan» dakładna zastaniecca na apošnim miescy, a voś chto jašče vylecić z vyšejšaj lihi?
…13. «Minsk» — 23 bały.
14. «Krumkačy» (Minsk) — 22 bały.
15. «Słavija» (Mazyr) — 20 bałaŭ.
«Słavija» zhulaje ŭ haściach z «Tarpieda-BiełAZam», a «Minsk» i «Krumkačy» — miž saboj.
Kali matč staličnych kamand skončycca ŭničyju, «Słavija» ŭ lubym vypadku zastaniecca pa-za vyšejšaj lihaj.