Sprava ab pierajmienavańni vulicy Branisłava Taraškieviča ŭ Bielsku-Padlaskim na ŭschodzie Polščy dahetul niavyrašanaja. Ab hetym u Hrodnie «Polskamu radyjo» zajaviŭ dyrektar Instytutu nacyjanalnaj pamiaci ŭ Varšavie Jarasłaŭ Šarek.
Pavodle Jarasłava Šareka, polski bok dobra razumieje, nakolki važnaj postaćciu dla biełarusaŭ źjaŭlajecca asoba Branisłava Taraškieviča. Ale ŭ toj samy čas Šarek adznačyŭ, što isnuje šmat dakumentaŭ, jakija śviedčać ab tym, što punkt pohladu INP taksama važna ŭziać pad uvahu:
«Dumaju, što było b dobra zaprasić biełaruskich historykaŭ, jakija zajmajucca asobaj Taraškieviča, z tym, kab pradstavić im dakumenty (vykazvańni Branisłava Taraškieviča), jakija śviedčać ab tym, što Instytutu Nacyjanalnaj pamiaci ciažka budzie pazytyŭna acanić asobu Taraškieviča».
Doktar Jarasłaŭ Šarek zadeklaravaŭ, što hatovy naładzić spatkańnie biełaruskich historykaŭ z polskimi kalehami, jakija zajmajucca vyvučeńniem spravy Branisłava Taraškieviča z tym, kab adbyłasia dyskusija i baki mahli znajści parazumieńnie.
U Bielsku-Padlaskim, što niepadalok ad Biełastoku, pavodle zakonu ab dekamunizacyi chočuć pierajmienavać vulicu imia Branisłava Taraškieviča. Biełaruski hramadzki dziejač i aŭtar hramatyki biełaruskaj movy, jakoha rasstralali kamunisty, moža stać achviaraj dekamunizacyi. Ale rašeńnie jašče nie pryniataje.
