Hałoŭnaje ŭpraŭleńnie spažyvieckaha rynku Minharvykankama prapanuje pierahledzieć naturalnyja normy charčavańnia školnikaŭ, paviedamiła «Minsk-Naviny» namieśnik načalnika adździeła hramadskaha charčavańnia HUPR Maryna Dźjakava.
- Dadzieny pakazčyk vyznačaje siaredniuju kolkaść charčovych praduktaŭ, jakija pavinien užyć vučań na praciahu dnia, uklučajučy chleb, masła, małako, rybu, sadavinu i inšaje, - raspaviadaje Dźjakava. — Tak, školniku ŭ zaležnaści ad uzrostu pry dvuchrazovym charčavańni treba źjadać u dzień žytniaha chleba ad 45 da 80 hram, heta značyć ad 2 da 4 kavałačkaŭ.
Siońnia śpiecyjalisty viedamstva rychtujuć prapanovu ab pierahladzie naturalnych normaŭ charčavańnia dziaciej. Ličać, ich treba pryvieści ŭ adpaviednaść z našymi realijami.
- Dzicia ŭ siarednim vučycca 20 dzion u miesiac, a, zhodna ź isnujučym normam, napoi - harbata, kakava, kisiel, kampot, sok — pavinien spažyć 25 razoŭ. Kali ŭklučyć u mieniu makaronnyja vyraby adzin raz u tydzień u vyhladzie harniru i adzin raz jak dadatak u sup, to apyniecca, što my pieravysili normu, - patłumačyła śpiecyjalist.
