Kamandavańnie AAN u Sieule apublikavała videazapis uciokaŭ paŭnočnakarejskaha vajskoŭca praz achoŭnuju miažu z Paŭdniovaj Karejaj. Ucioki adbylisia 13 listapada, vajskoviec atrymaŭ šeść ahniastrelnych ranieńniaŭ, vyžyŭ i ciapier znachodzicca ŭ špitali Sieuła.
Pierabiežčyk spačatku jechaŭ na džypie, a potym mašyna źjechała na abočynu kala miažy. Za joj kinulisia ŭ pahoniu pamiežniki.
Sałdat vyjšaŭ z mašyny i pabieh u bok miažy. Jon zdoleŭ uciačy ad niekalkich uzbrojenych pamiežnikaŭ, jakija znachodzilisia pobač z aŭtamabilem. U jaho pačali stralać, momant stralby trapiŭ na videa.
Zatym u roliku demanstrujecca zapis z kamier načnoha bačańnia, na jakoj vidać, jak paŭdniovakarejskija pamiežniki ratujuć paranienaha sałdata z pamiežnaj zony. U sałdata stralali nie mienš za 40 razoŭ.