Kala 4 ranicy 24 listapada rabaŭniki pranikli ŭ dom baranavickaj pradprymalnicy. Žančyna-ipešnica, uzrostam za 50 hadoŭ, doma jana była z 12-hadovym unukam.
Pakul vyśviatlajecca dakładnaja kolkaść napadnikaŭ, ich uzrost.
Sa słovaŭ žančyny, niekalki čałaviek u maskach zaleźli ŭ dom, źviazali joj ruki i pačali patrabavać hrošy.
«Kankretnuju sumu nie ahučvali, prosta pytalisia: «Dzie hrošy?» — raspaviali «Našaj Nivie» ŭ Śledčym kamitecie.
Pakul rabaŭniki abšukvali dom, žančyna zmahła vyzvalicca i nacisnuć knopku vykliku achovy. Milicyja pryjechała praz try chviliny, ale rabaŭniki ŭžo źbiehli. Ich asoby vyśviatlajucca, raspačata kryminalnaja sprava za rabaŭnictva, ździejśnienaje hrupaj asobaŭ. Kali złačyncaŭ znojduć, im pahražaje da 15 hadoŭ.
0
0
0
0
0
0
