U Breście milicyjanty vyśvietlili asobu haspadyni sabaki, što ŭkusiŭ školnika na prypynku hramadskaha transpartu, paviedamiŭ BIEŁTA aficyjny pradstaŭnik UUS abłvykankama Siarhiej Dučenka.
Incydent adbyŭsia 21 listapada kala 14.00 na prypynku «CUM». Da 11-hadovaha chłopčyka niečakana padbieh sabaka i ukusiŭ 11-hadovaha chłopčyka za nahu. Tut ža pobač była i haspadynia sabaki. Ale Zamiest taho kab akazać dziciaci dapamohu, jana nadzieła na sabaku napyśnik i śpiešna zaskočyła ŭ aŭtobus. Žančyna była abvieščanaja ŭ vyšuk.
Pravaachoŭniki raźmiaścili ŭ internecie zapis z kamiery videanazirańnia ŭ aŭtobusie. Adzin ź vidavočcaŭ paznaŭ žančynu. Nieŭzabavie asobu haspadyni ŭstanavili. Heta — 30-hadovaja žančyna. Učastkovamu inśpiektaru jana skazała, što ŭ milicyju nie źviarnułasia, bo spałochałasia adkaznaści.
Składzienyja administracyjnyja pratakoły za vyhuł sabaki ŭ nieŭstanoŭlenym miescy i adsutnaść rehistracyi žyvioły. Taksama vyrašajecca pytańnie ab pryciahnieńni žančyny da adkaznaści pa č.2 art.15.47 KaAP (parušeńnie praviłaŭ utrymańnia chatnich žyvioł, što paciahnuła pryčynieńnie škody zdaroŭju), a stupień naniesienaj škody zdaroŭju dziciaci vyznačyć ekśpiertyza.
