Sapiory kala doma na vulicy Nakaniečnikava ŭ Baranavičach. Fota tut i dalej: Alaksandr Korab, intex-press.by.
Uviečary 25 listapada milicejski narad pryjechaŭ na siamiejny skandał u adnu z kvater 9-paviarchovaha doma na vulicy Nakaniečnikava ŭ Baranavičach. Pa słovach susiedziaŭ, u kvatery 42-hadovaha haradžanina supracoŭniki pravaachoŭnych orhanaŭ znajšli bojeprypasy.
Byli evakujavanyja žychary ŭsich troch padjezdaŭ. Na miesca zdareńnia vyklikali sapioraŭ, MNS.
Praz 30 chvilin žycharam dvuch susiednich padjezdaŭ dazvolili viarnucca dadomu. U padjezd, dzie pracavali sapiory, ludzi viarnulisia paśla taho, jak skončyłasia pravierka.
Pavodle infarmacyi BiełTA, u chodzie ahladu kvatery śpiecyjalisty sapiorna-piratechničnaj hrupy v/č 7404 kanfiskavali korpus vučebnaj hranaty F-1 i zapał da jaje, korpus 50 mm minamiotnaj miny časoŭ Vialikaj Ajčynnaj vajny (usie biez vybuchovych rečyvaŭ), a taksama 100 h porachu. Pryznačyli ekśpiertyzu. Uładalnik bojeprypasaŭ zatrymany.
