president.gov.by
Košt lehkavoha aŭtamabila «BiełDžy» biełaruskaj zborki budzie ŭ dyjapazonie 17-25 tysiač dalaraŭ, zajaviŭ vice-premjer Biełarusi Uładzimir Siamaška ŭ efiry prahramy «Kontury» telekanała ANT, piša Tut.by.
Na pytańnie, jak jon aceńvaje pierśpiektyvy, Siamaška pryznaŭ: «Składana budzie. Nie prosta. Ale my stavim zadaču ŭ nastupnym hodzie vyjści na 25 tysiač aŭtamabilaŭ, a potym pa 10 tysiač dadavać», - raspavioŭ jon.
Siamaška nahadaŭ, što kiraŭnik krainy pastaviŭ zadaču pavialičyć harantyjny termin aŭtamabila z čatyroch da piaci hadoŭ, ciapier iduć kansultacyi pa hetym pytańni. «Budziem imknucca da taho, kab heta było piać hadoŭ. Ale kali ja kuplaŭ pieršuju mašynu, «žyhuli» šostaj madeli, adzin hod byŭ harantyi. Siońnia piać hadoŭ, i heta nie prosta», - zhadaŭ jon.
Ilhotnyja ŭmovy kredytavańnia, taksama abiacanyja kiraŭnictvam krainy, užo raspracavany, i da paniadziełka, jak raspavioŭ Siamaška, prajekt dakumienta pojdzie ŭ Administracyju prezidenta. Vice-premjer anansavaŭ lhotnyja kredyty na siem hadoŭ pry pieršapačatkovym uniosku — kala 10% pieršapačatkovaha koštu aŭtamabila.
