Alaksandr Łukašenka paćviardžaje kurs na raźvićcio ciesnych adnosin ź Vieniesuełaj i maje namier ździejśnić vizit u hetuju krainu. Pra heta jon zajaviŭ siońnia na sustrečy ź vice-prezidentam Vieniesueły Rykarda Mienendesam, piša BiełTA.
«Što datyčycca našych dvuchbakovych adnosin, jany ŭ palityčnych, dypłamatyčnych płoskaściach jak byli, tak i zastajucca siabroŭskimi i braterskimi. Usio, što my možam siońnia, my hatovyja pakłaści na šali vašaha pośpiechu ŭ Vieniesuele, — skazaŭ kiraŭnik krainy. — My damovilisia, što vypracujem darožnuju kartu pahłybleńnia našaha dvuchbakovaha raźvićcia z ulikam taho stanovišča, jakoje jość. I ŭžo ŭ najbližejšy čas u 2018 hodzie padčas majho vizitu ŭ Vieniesuełu my zmožam značna prasunucca napierad u našych adnosinach. I nie tolki zaćvierdzić hetuju darožnuju kartu, — my pačniem užo realizoŭvać».
«Siońnia ŭ nas jość toje, što treba vam. U poŭnym abjomie. Toje vostraje, u čym vy majecie patrebu. U vas jość toje, što treba nam. I my navat na hetym možam niešta zarabić. Dumaju, heta treba pakłaści ŭ asnovu našych damoŭlenaściej i darožnaj karty», - dadaŭ biełaruski kiraŭnik.
