Žychar Lachavičaŭ padazrajecca ŭ zamachu na zaražeńnie svajoj byłoj žonki VIČ-infiekcyjaj, paviedamiŭ aficyjny pradstaŭnik UUS Bresckaha abłvykankama Siarhiej Dučenka, piša Tut.by.
Uviečary 27 listapada ŭ dvary doma da 38-hadovaj žančyny padyšoŭ nieviadomy mužčyna, ukałoŭ jaje nahu šprycom, u jakim była kroŭ, i źbieh. Paciarpiełaja pryjšła dadomu i źviarnułasia ŭ milicyju.
Milicyja zatrymała chulihana. Jon raspavioŭ, što zamach na žančynu zamoviŭ były muž. Za 50 dalaraŭ zakazčyk paprasiŭ ukałoć žančynie zaražanuju VIČ-infiekcyjaj kroŭ. Adnak vykanaŭca šukać zaražanuju kroŭ nie staŭ i nabraŭ u špryc svaju, nie infikavanuju.
Abodva zatrymanyja. U dačynieńni da zakazčyka raspačali spravu za zamach na zaražeńnie VIČ-infiekcyjaj z pramym namieram. Jamu pahražaje ad 5 da 13 hadoŭ pazbaŭleńnia voli. Raniej jon užo byŭ sudzimy. Vykanaŭca atrymaŭ artykuł za chulihanstva.
